الدراسات العليا المجانية (بدون رسوم)
لمن يبحث عن قبول في برامج الدراسات العليا بالجامعات السعودية (الحكومية) بدون رسوم سواء للدبلوم العالي، الماجستير، أو الدكتوراه، جمعت لك قائمة بأبرز الجامعات اللي تفتح التسجيل بين فترة وفترة في برامجها بدون رسوم أو تكون برسوم ولكن بوجود منحة تسقط عنك الرسوم الدراسية إذا حققت الشروط.
طبعا أوقات بدء التسجيل تتفاوت من جامعة لجامعة وسوف أعلن مواعيدها بشكل منتظم عند تحديدها من قبل الجامعات المختلفة لكن حاليا ممكن تاخذ فكرة عشان تعرف خياراتك مستقبلا.
جامعة الملك عبدالعزيز
واحد من أضخم البرامج في الدراسات العليا تقدمه جامعة الملك عبدالعزيز وبدون رسوم وفي أكثر من 50 تخصص للدكتوراه ومايزيد على 100 تخصص للماجستير.
التسجيل راح يبدأ بتاريخ 19 ديسمبر والشروط والمتطلبات تختلف من برنامج لبرنامج لذا يفضل تطلع عليها من هنا
https://graduatestudies.kau.edu.sa/Pages-286863.aspx
ابدأ من الآن في تجهيز المتطلبات لو لك رغبة في التسجيل مثل قدرات الجامعيين والتوصيات واختبار الإنجليزي
جامعة الإمام محمد بن سعود الإسلامية
تتيح الجامعة القبول في برامج الدبلوم العالي الماجستير والدكتوراه بدون رسوم وتشترط اشتراطات أساسية مثل:
اختبار قدرات الجامعيين وأحد اختبارات اللغة الإنجليزية وأرى أن جامعة الإمام هي الأكثر مرونة من ناحية المعدل وقبول خريجي الانتظام والانتساب.
التخصصات والشروط والتفاصيل تعلن على موقع وكالة الدراسات العليا بالجامعة وتقدر تطلع عليه هنا https://units.imamu.edu.sa/deanships/GRADUATE/Pages/default.aspx
جامعة أم القرى
تتيح الجامعة القبول بدون رسوم دراسية في:
الدبلوم العالي الماجستير الدكتوراه
تشترط: معدل جيدا جدا في البكالوريوس ودرجة القدرات للجامعيين واختبار اللغة الإنجليزية ايلتس أو توفل أو ستيب.
تقدر تشوف التخصصات المطروحة للترم الماضي وشروطها عشان تاخذ فكرة من خلال الرابط
https://uqu.edu.sa/App/News/154489
جامعة الملك خالد
تقدم برامج دراسية مجانية في الدبلوم العالي والماجستير وتقدر تطلع على كافة البرامج اللي أعلنت للترم الماضي وتاخذ فكرة عن المتطلبات والتخصصات المتاحة من هنا
https://dps.kku.edu.sa/ar/node/697
جامعة الأميرة نورة – للإناث فقط
تتيح جامعة الأميرة نورة للمتميزات دراسيا الحصول على قبول في برامج الدراسات العليا وبعدها التقديم على منحة “التميز” وذلك بعد استيفاء عدة شروط حيث تقدم الجامعة منحة كلية أو جزئية وهنا دليل المنحة لمعلومات أكثر
https://pnu.edu.sa/ar/Deanship/studaffairs/Documents/GraduateExcellenceScholarships.pdf
جامعة حفر الباطن
أيضا تقدم برامج مجانية بالإضافة للبرامج مدفوعة الرسوم ولكن البرامج المجانية تأتي بمتطلبات محددة وتستهدف اللي معدلاتهم مرتفعة في البكالوريوس وأيضا عندهم درجة قدرات جامعيين جيدة، تقدر تشوف التخصصات والشروط للبرامج المجانية اللي أعلنوا عنها للفصل الماضي من هنا https://portal.uhb.edu.sa/wwwroot/pdf/5_D.pdf
